Que farías,  si puideras elexir, no día dos Reis?

Un ano 2022 que moitos comezaron sen cambios e outr@s en continua transformación.
Estamos nunhos momentos moi complexos de xeopolítica, pandemia e capitalismo, algún ensaio hai sobre o tema. As lecturas son todas  boas, as de autoaxuda fan que sexamos máis sabedores de remedios e solucións para as cousas que se poden curar, as que non, pos temos que esquecelas, aillalas para que nos afecten o menos posible.
Hoxe é un día de agasallos sobre todo para os nen@s; coñecín un rapaciño novo en Piño que se chama Leo, é o fillo de Mirian da casa da Cerca. Da gusto ver xente nova polas rúas de Piño, futuras novas xeracións que mudarán as costumes e tradicións que ata a súa época chegaron.
Vin a Ramón e Aitana, e detrás deles ía Laura. Hoxe non vin ó Xurxo.
A miña mai tamén a vin xusto un pouco antes de baixar a traballar un pouco á libraría. Enseñoume uns calcetíns novos especiais para diabétic@s  que lle trouxeron os Reis, e outros tamén para meu pai, para Jose e tamén para min. Mimi non está, marchou para Santiago de Compostela.

Moita xente de Piño que non vin hoxe. Nin sequera a meu pai. Lembreime a amigos que estan pasando malos momentos e que non merecen o mal que están padecendo.
A vida é sufimento tamén.

Conta Jose Manuel da Nesa que nunca recorda que non houbese misa o primeiro de ano novo na igrexa parroquial. Eu creo que ata agora sempre a había tamén en Reis.
Iste ano é o primeiro que realmente quedamos sin MISAS en datas sinaladas e  non se sabe si vai quedar a cousa xa esí. Penso que non é probable que o culto se volva instaurar como outrora. Son tempos novos para tod@s. 

É moi importante a formación para actuar en consecuencia co medio que rodea e deixar de agredilo.
Propósitos para este ano sería que sabendo que algo do que fas non está ben, non fagas por cambialo.

Non hai que tirar as latas nas cunetas das estradas, iso ademáis de unha agresión é un ha falta de respecto para todos.
Comezar o ano escoitando tiros por todos o territorio do entorno poboacional é tamén un abuso do colectivo dos cazadores por diversión,  que nos privan de a liberdade para ir polo monte porque se corre o risco de recibir un balazo confundido.
Buscar alternativas de tiro seguro para a xente que queira disfrutar dese deporte  sería unha tarefa altamente reconfortante para o ano novo que comeza.
Mudar hábitos tóxicos é unha terapia moi recomendable téñase a idade que se teña.