Na actualidade esta casa está en venda logo de que a primeiros do século XXI a comprase un matrimonio e agora ao divorciarse decidiron desfacerse dela. A casa está moi ben arranxada, ten ximnasio e piscina ademais de ser unha construcción en terra.
O Manueliño viñera de Cuba cando o seu irmán que estaba casado con Anuncia, faleceu dunha enfermidade sen chegar a coñecer ao seu fillo Manuel que estaba por nacer. Ocupou o posto como novo esposo de Anuncia e con ela tivo varios fillos máis.
Construiu a actual casa e viviu coa súa dona ata ben maiores e despois marcharon cos fillos para Barcelona. Un deses fillos Modesto, casado cunha de Fornelas, foi o que veu a vender a propiedade. Outra filla, Luisa casara cun dos de Rei.
O Manuel, fixo do seu irmán e de Anuncia casou con Amable da casa Carballal e tiveron un fillo, Carlos.
