Decembro 2022

Breves Novas dende Piño

20/12/2022 A noite deste día chouveu cunha constancia e intensidade que xa facía prever que a estrada ía a estar asulagada.
Na imaxe lateral podedes ollar como se atopaban As Pontes. Facía moitos anos que a auga non a traspasaba deste xeito.
Arriscarse a pasar por iste tramo soamente é para intrépidos. Ir de cú ata o cruce da vía de servicio do canal de regadío do Val de Lemos e non poder seguir por esa vía dado o deterioro que posúe e ter que dar a volta por Eixón para evitar quedar no medio e quedar sin vehículo de traballo.

Principios do mes

Comezou o mes de decembro de 2022 cun tempo moi frío. O sábado día 3 seguimos coa nebra todo o día e non subimos de 1 grao.
O Manolo de Probeiros, o home da Flora do Sono, fixo unha miniatura con pinzas da igrexa da nosa parroquia que donou para a mesma.
As matanzas comezaron tamén esta primeira semana de decembro. Cada ano faise algunha menos pero de momento sobreviven.
Por outra banda ya se sabe que o que denunciou os pinos do agro de Piño do Souto Grande foi un veciño do pueblo e non unha rutina esporádica da administración.
Como podedes ver remata o ano e con ela remata o subdominio casas.webpino.com, espero que che agrede esta nova versión mellorada.

Máis Cousas

O sábado día 17 presentei en Bóveda no centro Sociocultural un novo poemario editado por Peruchela Edicións.

O libriño en sí e unha escolma de versos relacionados con tradicións de outrora e co río Mao ao seu paso por Ribas Pequenas. O autor, O Piteira, orihundo dese lugar viuse obrigado a deixar a súa aldea a idade de oito anos, feito que o marcou profundamente.

Poderedes ver moi pronto a ligazón ao video do evento.

Aldeas e luces de Nadal

O lugar de Mosteiro, limitrofe coas terras de Piño pertencente ao concello de Bóveda sorprende a todos este nadal co alumeado que exibe no lugar. Un concheiro de centos de anos alberga no seu interior un fermoso e rural belén. O campanario da antiga igrexa luce unhas fermosas luces e polas rúas hai estrelas e adornos de anxos luminosos. Tamén hai un buzón onde se pode escribir unha carta aos reis magos. Eu xa botei a miña.
Este Nadal si podes visita Mosteiro e desfruta ti mesmo da iluminación coa que os veciños adornaron o lugar. Chama a atención o gran letreiro de landras que felicita as festas. Felicito dende esta web aos responsables de tan fermosa iniciativa.

Nadal en Mosteiro

Chegou a Cegoña

Hoxe 18 de decembro foi o final da copa do mundo de futbol e a selección Arxentina impúxose á francesa.
Tamén chegou a cegoña a nosa aldea a pasar o inverno.

Luces en Piño

Luces de Nadal en Piño

Co reloxo a tan so 24hs. de Noiteboa un grupo de veciños da nosa parroquia quixo participar do Nadal decorando con luces o atrio e a igrexa parroquial.

Tamén montaron o Belén na entrada da igrexa.

Non houbo misa o 25 pero as portas da igrexa estiveron abertas de 16 a 19 hs. para todos aqueles que quixeron acercarse a ver o Belén e de paso puideron rezar e ata bicar ao neniño.

Cada 25 de Nadal mentres Don Manuel puido non faltou a misa en Piño e o neno Deus foi adorado por todos os practicantes. Fermosos recordos de tempos que non voltaran., datas, estas do Nadal, moi nolstalxicas onde se fan máis presentes os ausentes.