Esta antiga construcción segue existindo na actualialidade e pertence a Lorena, neta do Benigno de QUEVEDO.
Poño pois a casa entre as desaparecidas xa que non queda ningún descendente vivindo ou con outra casa en Piño.
O Ronfe, chamábase Xosé. Casou cunha irmá da Elisa da casa do ZOURIL, descoñecemos o nome, e tivo dous fillos con ela Antonio e Javier. Casou en segundas nupcias con Aurea, da casa dos MARELOS e tivo un fillo Juanito. Parece ser que viviron de arrendo na casa do CARASTO.
Xosé o longo da súa vida trouxo a vivires con él aos seus tres fillos en distintas épocas pero acabou votandos a todos xa que ningún lle resultaba o idóneo. A fama que lle quedou era de ser a bó para os veciños pero non tanto para as súas donas.
Antonio, un fillo do primeiro matrimonio, traballou en Renfe e viviu en Piño algún tempo, cando foi maior seu pai levouno para Madrid onde alí morreu. Dicíase que a muller do Antonio do Ronfe era madrileña que nacera xustiño a carón da Porta do Sol.
O outro fillo Javier, casou cunha de Ferreiros da casa dos ARCADIO, dos fotógrafos
Parece ser que o tal Antonio do RONFE, unha boa persoa que non hai tantos anos que finou e que moitos lectores desta Web seguro que lembrades, tivo dous fillos e unha filla. Froito desta filla é o político Tomas Gómez.
