Agosto 2021

Image

NOVAS

Moita xente foi a que veu este ano a Piño que non foi excepción da chegada masiva de veraneantes que tivemos nesta zona de Galicia.
En Piño non contamos con ninguha ruta oficial pero algúns acercámonos a visitar un ano máis o Castro do lugar e este ano como novidade puidemos entrar nunha antiga mina de auga que Fernando, meu pai, preparou para que puidésemos visitar.
De cara a vindeiras tempadas e vacacións poderedes acercarvos a visitar algunha   máis que tamén está a piques de rematar de acondicionar para poder visitar. Os restos arqueolóxicos dos nosos predecesores neste territorio teñen para moitos moita importancia e merecen o noso recordo e recoñecemento.

APUNTAMENTOS

As tradicións mudan co paso dos anos. A sociedade adapta costumes importadas doutros lugares e renuncia a aquelas que lle son prescindibles.
A nosa parroquia de Santa María de Piño, quizais sexa unha das poucas de Galicia onde ainda hai costume de acompañar ao finado coa cruz diante ata o camposanto. De feito o actual párroco sorprendeuse no primeiro enterro que fixo no lugar  ao ver que dita tradición ainda non se perdera o que me fai pensar que nas 30 parroquias restantes que cubre non existe xa tal tradición.
Outra desas costumes que está a piques de desaparecer é a  de tocar as badaladas do campanario a defunto ou a defunta. Unha sinal precisa, necesaria ata hai ben pouco para comunicar a comunidade o pasamento dun veciño, amigo ou familiar do lugar.

EVENTOS PARROQUIAIS

A primeiros de mes celebramos na igrexa parroquial o cabodano do Sr. Aquilino da casa da Portela.
O día 15 celebramos a misa da patrona da parroquia a Santa María.
O día 21 a misa de enterro da  Elvira que nos deixou aos case 101 anos de idade. D.E.P.
O 24 á tardiña tamén houbo misa por algúns defuntos da parroquia e para rematar  o mes o día 28 o cabodano da Sra. Manuela viuva de Manolo da casa do Murra.

Sobre os eventos da Libraría

Os tres eventos que promovín este verán dende a Libraría Pelayo correron sortes dispares. 
O ultimo que se veu a celebrar o pasado venres día 27 de agosto no local comercial da libraría espertou moito interese e completou o aforo moi pronto quedando a xente con ganas de saber máis cousas de esta tradición ancestral do budismo.
Mayte presentou na Pobra do Brollón a invitación do actual alcalde Xosé Lois Maceda, o seu poemario. O acto foi no 1º DE MAYO. Ao lugar asistiron unha trintena de persoas disfrutando de momentos distintos, momentos culturais no restaurante da localidade.
To be continue....
Oferta Curso
ofertas en papeleria na libreria pelayo