Relatos do día a día
NOVEMBRO, SANTOS, DEFUNTOS, MAGOSTO E SAN MARTIÑO
Esgrafiados en Piño
Este venres 17 de novembro na Casa da Cultura do Concello de Pantón presentouse o libro de Mar López Sotelo "Esgrafiado galego, un museo ao aire libre".
Mar López Sotelo, é unha Antropóloga/Investigadora/Escritora /Fotógrafa de Pantón que leva varios anos estudiando este tipo de gravados.
"O libro é froito dunha exhaustiva investigación rexistrando máis de 700 mostras desta técnica ornamental de fachadas e paredes. A autora vai unindo as pezas que permiten chegar á conclusión da existencia dun “estilo galego propio de esgrafiado”.
"O esgrafiado fai uso dunha técnica ornamental que consiste en decorar os enlucidos ou revestimentos das fachadas mediante incisións cun grafio, para crear figuras ou formas ao retirar da parte máis superficial" Ref.
En Piño contamos cunha mostra deste tipo de técnica como podemos apreciar na imaxe. A casa foi restaurada fai uns anos pero ainda conserva este tipo de ornamentación.
DEREITOS HUMANOS
Seguen as manifestacións en contra do xenocidio, do exterminio do pobo palestino.
Convocada para este luns 20 de novembro novas concentracións pedindo o cese das matanzas de nenos e civís da franxa de Gaza.
Imaxes da concentración na praza de España de Monforte o pasado luns día 13
POESÍA EN RIBAS PEQUENAS
Nomes en cartel dos 7 poetas que competirán en Ribas Pequenas por converterse no mellor dos participantes e gañador/a desta primeira edición do Bóveda Slam Poetry.
Nesta gran final participan os gañadores de todos os combates que levamos feito este ano e os dous mellores segundos postos.
PRESENTACION LIBRO DE CONTOS CON LETRA MAIÚCULA
O Misterio do Tulipán é un libro de contos ideal para primeiros lectores. Está editado por Peruchela Edicións.
A autora ten previsto presentalo en varias vilas de Galicia. A do 12 de novembro en Bóveda foi todo un éxito. Crónica
O día de Santos de 2023 o ceminterio parroquial de Piño lucíu como cada ano cheo de flores aos nosos seres queridos.
A misa de defuntos foi o día 2 ás 12:30hs da mañá.
Rematou o mes de outubro con auga continua durante varios días feito que provocou a caída dalgunha parede. Afortunadamente non houbo que lamentar ningunha desgraza persoal nin material a maiores do propio derrumbe.
Espérase un temporal forte. Haberá que andar con coidado xa que é posible a caída de árbores nas estradas.
Comecemos o mes... a modiño.
Herminia de Peruchela tivo que ser ingresada de urxencias no Lucus Augusti de Lugo a primeiros do mes e tiveron que poñerlle un marcapasos de urxencias. Evolucionou ben e xa se atopa na casa rematando a súa recuperación.
Foi ingresada de urxencias tamén este mes foi a Tina, a muller de Antonio Alvarez, do Pacio. Afortunadamente conseguiu superar a enfermidade e xa se atopa no seu domicilio..
