Acudiron a dita convocatoria unha vintena de persoas. Logo dunha pequena introdución do alcalde tomou a palabra Xosé Lois, o arquitecto, que explicou que  o Local Social de Piño cumpre todos os requisitos legais incluíndo  a referencia catastral. Esta legalización obriga a empresa encargada do subministrar luz a levar o tendido ata o lugar de balde. Os veciños, ou a asociación, terían  que asumir os gastos de enganche e certificación da instalación por un electricista. De momento descoñécese  que é o que vai acontecer e quen vai ser o responsable do pagamento da cota mensual xa que non se acordou na reunión.

Hai varios temas da nosa aldea preocupantes. Refírome por exemplo á situación das vías pecuarias e camiños en xeral  da parroquia ou ás mal nomeadas rúas en distintas zonas do núcleo poboacional e redores que se fixo fai unhas décadas.

A desaparición da toponimia é algo moi grave.

Dende estas liñas animo a que se fagan xuntanzas para debater esta temática e reverter a situación na que se atopa na actualidade realizando os trámtes necesarios no concello para que recuperen o nome orixinal.
A Carreira de Suhortos, nome xa desaparecido oficialmente ou o mesmo lugar de Suhortos.   A rúa do Pacio chegou sempre ata a casa do Domingo de Avelino e incluso podería aceptarse que chegara ata o cruce de Centeais pero non  deberíamos de permitir que  se chamase rúa do Pacio ata a canle de Regadío do Val de Lemos porque isto conleva á desaparición do nome orixinal.
Podes ver no mapa de Google que esto que comento é así como realmente está e nós, dos veciños depende que recupere o seu nome orixinal.