Estaba sita no Barrete de Tres, entre a casa do Barroso e a casa de Seoane.  O que quedaba dela vendeuse  a finais dos noventa aos de Seoane.

Nela naceu  Xusto, pai do Manuel e do sr. Juan da Cubana, que era fillo dunha dos Galgo.

O fillo do Manuel,  Lino, o derradeiro zapateiro da nosa parroquia finado o 16/04/2012, e a súa dona Concha, oriunda de Rivas Pequenas, viviron na ubicación actual da casa, na rúa do Pacio. O matrimonio tivo unha filla Marina que casou con Toño, oriúndo de Canedo e como froito deste último casamento nace Carlos Álvarez.

A casa do Guardia que estaba ubicada no Pacio ao lado da casa dos Zouriles,  enfrente da casa do Cuturro. Foi propiedade do avó por parte de pai  do sr. Antonio, o capitán,  actual casa Antonio Alvarez.

Hoxe a ubicación na que estaba forma parte da actual casa de Gallego.

José Seijas Parada era oriundo de San Pedro do Incio pos súa nai Carmen Parada era do lugar e casara con Antonio Seijas dunha vila da Coruña.

Cando veu a Piño foi a casar coa dona María Rosa Figueiras Franco, que xa tiña un fillo de solteira, o Jesús.

Vivían no Requeixo ao lado da casa do Rei.

O matrimonio tivo seis fillos, Luís, Carmen, Jerónimo, Mercedes, Saturnino e Felicitas, esta última casou co Luis do Vila. Ao Pepe de todos chamábanlle así porque ía a casa de todos os que o necesitaban para traballar   e facíao  a cambio dun bolo de pan, touciño ou o que lle deran para poder darlle de comer a súa familia.

Os recordos deste personaxe dos que hoxe ainda viven e o coñecen ven sexa por historias ou referencias e de ser unha moi boa persoa e un gran  traballador.