Das ramas dos Plata saíron ao menos as seguintes casas:

Casa do Ricardo, comprada por Pepe da Flora, actual casa da Yolanda

Casa de Carpinterio, a  Visita, o seu pai era dos Plata. 

Casa de Xan María , a mai do Pepe era dos Plata.

Casa de Benjamín , a Emilia era dos Plata.

Casa Benigno, el era dos Plata.

Peruchela, Perucho era dos Plata (actual bodega do Requeixo e casa que comprou a Maruja de Leandro ao Pepe da Flora).

Marcial  era  Plata.

Casa de Caballal - a María era dos Plata, mai de Ricardo, Antonio, Amable, Carlos, Dolores...

Na actualidade Amable de Carballal que casou con Manolo de Manueliño, pais de Carlos, arranxaron unha antiga casa e recuperaron o  nome da casa dos Plata. 

Da casa da Carolina non temos probas de que fose á que lle compuxeron no seu día a popular canción galega a saia da Carolina, pero sabemos que ela foi unha persoa moi popular. Do  seu primeiro matrimonio cun dos Galgos tivo dous fillos Dolores de Xacobe e Arturo, desaparecido en Cuba. Do segundo matrimonio có Lores, porque era do Lor, tivo a  Concha casada cun irmao do Manuel do Xusto, a Julia  casada con Nicanor, a Manuela casada co Antonio dos Ferreirolos  e que lle darían o nome a súa casa como a da Portela e a  Esperanza casada con Juan da casa de Seoane.

Herdou a casa julia que casou con Nicanor ao que coñeceu cando veu a traballar á casa dos Balboa. Tiveron dous fillos, Antonio e Julita.

Antonio foi un veciño moi admirado polos nenos dos oitenta porque era un home moi ilustrado. Casou con  Manola Piñeiro Glez  coa que non tivo fillos.  Antonio Silvarrei Vega, fillo de Nicanor e Julia,  filla de Carolina.

Do matrimonio de Julita cun de Ferrería do Incio houbo duas fillas que viven en Lugo.

Ainda que figura como  desaparecida na actualidade segue en pé.  Está no Pacio e é a antiga Fragua onde viviu a Elisa e o Camilo.

Elisa dos Casa dos Zouriles

O Cuturro era o irmau da Cuturra Casa da Cuturra . Tiña un fillo que  morreu asasinado cando andaba na sega en Castela e por iso lle deixou a súa sobriña a Elisa a casa.

Na actualidade logo de que fose vendida ao Ferrerías , logo do seu pasamento foi herdada pola súa filla quen na actualidade a ten á venda.

En canto ao asesinato do fillo do Cuturro en Castela foille atribuido a un veciño de Eirexalba da casa do Cabazo que tiña moi mala fama, xa matara a outro home antes  da guerra en Rubián por non cederlle a parella e ao noso veciño clavoulle o fouciño da sega nas tripas.